Dzilji:“MANCARA LAVA“
Pecatimij tani ani angluni pustik,cedalin dziljengir:
„BAHTALE DIVE ATAR MIRE SUNE“
Ano iranipe: „SRECNI DANI MOJIH SNOVA“
Ikalipe: Jekhutni atar kultura thaj sikavdipe – Preseva
„Mancar lava“
- Romaljen, achavava tumen,
- korkoro dživdipe, akana ćeren,
- bašalen, đilaben, cheljen,
- baro horo ćiden.
- Tumare vilja,losarda te oven pherde,
- sose ? nakhlje tumare kalje dive.
- Akana maškaro tumende, ćeren jekhipe,
- baro sužo dživdipe, bi ulavdo phralipe.
- Me džav, ase avela maje pharo,
- Soste ? tumencar nakhljum, drumo baro,
- upri phuv barabar, thumenca phirđum,
- šukaripe, bi lachipe, tumencar ulađum.
- Ašen laće,alo o dive hem tumen,
- te ćeren dživdipe, te našalđon,
- o kalje raća,o kalje đesa,
- so beršenca paćarda tumare vile.
- Hajde, vazden o tatja,
- e dromonenjen andor vas, prekalo harja,
- e chinde čangenje, e thare vastenje,
- e nakhade ljenjenje.
- Ov sasto khameja,
- so paluno taro amenca pijeja,
- amen tuvara, sar phralja dživdidžam,
- amare dukha, amare cidle, salde tudžandžan.
- Oven saste hem tumen romaljen,
- vazdava tumenje, akaji tatji,
- tumare dživdipase, tumare sastipase.
- Akana tumaro dživdipe, sa ano luluđa paćeren,
- đilaben, bašalen, baro zevko, akana ćeren,
- Me, me drumoa, palje džava,
- ase o dukha, o cidela, o asva,
- so paćardje tumare vile,
- me sa …sa … mancara lava.
