Kotar autori: Seljajdin Salijevic Salijesor, Preševo
„UDURI KURI O KHAM BIJANDJOLA“
- Esavke, amen sijam,
- Bersencar, oljeja phirdzam,
- Oljeja bijandiljam,
- Oljeja zadjinjam.
- A akana, o khamij tano uco,
- A dji amen kalje, thare cuce vileja,
- Dikhajalje, sar kasuke-lalore,
- Godzaja, samci nasalde.
- Amare vasta, kotar kham thare,
- Uduri, kote ov bijandjola,phirdzam
- Sar bi godzakor oljeja,ama sar
- Oljeste khoni, dzando adjahare na sine.
- Phirdzam dur ano duripe oljeja,
- Po drumo, mothodza amenje, tharune umlaleja,
- Phirdzam, phirdzam kuri djeljam, na dzandzam?
- Ame pacipe icerdzam amare dive, so oljeja, ka nakhava.
- Mekh anglo tumende, sa te thavdel,
- Ratvalo devrijalipe, te ovel tumaro pacipe,
- Jagalo, tumaro vilo, te thabljol,
- Ma achaven e khame, rahati te sovel.
- Pucenlje, tumare moa kurij tano bijando?
- Sose? Nane, salde ov dzando.
- Te na vacerdza ov neka vaceri o chonut,
- Kurij tano bijando? Kuri ?
