Sar te arakhentumen kotar tatipe ?


Ako na pašljona ki plaža ja na dahinena ko bazeni, sledinen akala savetija sar te arakentumen kotar tatipe:

Zatamninen o čher

Račate ačhaven phravdo o đami ki dnevno soba taj kuhinja, a sabale angleder so e temperature pošmini te barjol, phanden sa o udara taj o pendjere, muken o roletne ja čhiven thule zavese. Ko akava način ka ičeren pobuter e račaki svežina ko čher.

Koristine ventilatorja

Ked strujini o vazduho ked mukelape o  ventilatori tani pošukar verzija šudaripase o thana se e klima. Ko akava način ka oven prirodno šudarde taj na ka ovel tumenđe edobor tatipe ked ka ikljon tj na ka šokirinen  tumaro telo. A način ka ičeren pobuter e račaki svežina ko čher.


Rashladinetumen e panjea

Tuširinen tumen šudre panjea,čhiven šudri obloga ki vlažno mindiljka ki men , pike ja čekat ja čhiven tumare pre ki kofa ko šudro pani.

Isklućinen sa o uređaja kola ćerena tatipe

O klasična lampe čerena tatipe, ma uključinen len ako na valjani tumendje. Adjahare hem o kompjuterja, taj aver tehnika ko čher o adapterja taj punjačija. Len pobuter svežo hrana koja na rodela te spreminela, sar soj o čerajba, pržiba taj pekiba.

Pijen dovoljno pani

Akava tano saveti kova uvek vačeripe a na čerelape. Buti važno te oven hidririme sose našalena o tećnost ked pošminena te znojinetumen ko tatipe. Diveste valjani o pani te ovel bišićereso limunada kote ka chiven hari lon kova ka del tumen elektrolitija. Izbeginen o kofein hem alcohol sose tane on diuretici.

Bonus savetija kola arakhena čherutne ljubimcija:


Valjani te đanen ked barjona o temperature, tumare ljubimcondje kola isilen krzno but tatipe. Ako arkhena mačken ja đućelen, šaj te tuširinenlen šudre panjea hem denlen pani te pijen. Phiraven len sabajea ja raća teked o drumo šudro a o vazduho svežo.

Hramonel: Šukrija Demirović,  uredniko redakcijako ROMANO KRLO PČINJSKI 017 – PORTALI  ki romani chib

RSS
Follow by Email
Facebook
Facebook
Twitter
Instagram

Оставите одговор

Ваша адреса е-поште неће бити објављена. Неопходна поља су означена *