Nesavo but barvalo bućako manuš kamlja te sikavel peske čhaveske so si kodova ćorripe sar maj but dzanelas te paćivil o barvalipe savo si les. Ingerrda les ande varesavo corro gavesko them kaj si porodica bute bejacenca. Ačhile khotek duj djes
„ Thaj, dikljan akana so si o bijekhlipe katar o barvalipe thaj ćorripe?“ – pušlja o dad e čhaves kana gele khere.
„ Dikhlem, dade!“ – phenda o čhavo.
„ Me si korkorro, aj kole čhavorren si phrala thaj pheja“.
„Amen anglav kher si bazeno, aj len si dorjav ande savi šaj najon thaj astaren maćhe.“
„Amen si klima ando kher, aj von numa putren e feljastra thaj del lenge e barval de katar e hrasurja“ thaj dorjav.
„Ame andaj ćirikhlja dikhas paj televizija, aj lenge e ćaćae ćirikhlja fulen pe feljastra.“
„Amen si dzukel, aj len si but bakrja.“
„Ba, dade, sićilem so si o barvalipe. Thaj pharo mange kaj vi ame najsam kadja barvale.“