Kana khe sa e puvja diklarelapes o dive tharo Maškarđihaneskoro dive tere dajakere čhibjako, vekribnaja ko akala dive anglal 20 berša, UNESKO rodinga te araka thaj te sajdina i čhib, thaj odoleja angapes decizia te anavkerelpes sar dive Maškarđihaneskoro thar tire dajakere čhibjako.
Romani čhib thani jek tharo čhibja save avena thar Indoevropikane kupe thar indoevropikane čhibja. Ko buteder laforija šhaj te arakelpes but indijake lafjojra saveja thaj preperelapes telal o vakheripe e Romengoro aviba savo iklovela taro Indija.
Romane asocijacije kerge buti pal akava rodlaripe vakeribnaja e maj purane ikerkeripe thar e Roma thaj olengiri kultura ange ko šukar arakipe pumari Romani čhib.
Ko 2009 beršh Veljko Kajtazi promoviringa o jekto Romano-Hrvatsko Lavustik(rečniko)thaj sas oleske baro pharipe penđarindor so nane kerdi panda standardizacija e čibjake.
Maškar pobuter hramutne lila thane kerde vi taro prof. Latif Mefaileskoro Demir, savo phanle akale diveja ikerga prezentacija telal o lafi ,,Romani čhib avdive“.
Ljatif Mefaileskoro Demir thano profesori ki Katedra Indologija telal studie ko Filozofsko fakulteti ko Zagreb, thaj buvleder kerga lafi bašhi o barvalipe e Romane čibjako thaj olakere fundavne elementija.
Pobuter ko lendo linko tharo: Phralipena